تطبيق أو نظام مفصّل على شغلك — مش قالب جاهز.

نعم، وما منختلق تاريخ. المشروع المشحون عنّا هو المصدر، ومبني كامل: تطبيق ولوحة تحكّم وخادم — وبتقدر تشوفه بالتفصيل وتحكم بنفسك.

بصراحة: ما بنينا لمطعم قبل. اللي منقدر نثبته إنّا بنينا نظاماً كامل شغّال، ونفس الأساس بينطبق على شغلك: الطلبات بتصير مواعيد، والمندوب بيصير موظف استقبال. وبتبلّش معنا بأصغر مرحلة وبتقرّر بعدها.

التقنية منختارها حسب مشروعك، وبمشاريع كتير مننبي بتقنية كود-واحد (زي Flutter) بيطلع منها أندرويد و iOS من نفس الكود. ومثال حيّ: تطبيق المصدر منشور على App Store، ولسّا باختبار مغلق على Google Play. ونشر التطبيق على المتاجر منتكفّل فيه نحنا من حساب المطوّر تبعنا — مش لازمك حساب خاص.

المدى بينكتب بالعرض قبل ما تدفع وبنلتزم فيه — وأول نسخة تشتغل دايماً أقصر بكتير من التطبيق الكامل، وهاد مقصود.

التطبيق بدّه خادم واستضافة، وهدول بدّهم تشغيل ومتابعة. منفصّللك بالعرض شو شهري وشو مرة وحدة — بلا مفاجآت. وخطة المتابعة للتطبيقات بتتسعّر حسب المشروع، مش بباقات جاهزة زي المواقع.

هاد اللي بننصح فيه أصلاً — نسخة أولى صغيرة توصل لزبونك، وبعدين منزيد على أساس مبني صح.

اللي شغّلناه فعلياً هو الدفع عند الاستلام، وهاد اللي بتشتري فيه الناس هون. الدفع الإلكتروني بيعتمد على مزوّد خارجي وشروطه — منحكيه بالجلسة ومنسعّره لحاله لو بيلزمك.